Wakazi manusura wa mkasa wa moto wa jengo la Grenfell jijini
London, wameelezea mtiririko wa matukio ya hivi karibuni yaliyotoa ishara ya
mkasa mbaya katika jengo lao katika siku za karibuni, kabla ya ishara hizo kugeuka
na kuwa mkasa wa maangamizi mazito ulioandika historia ya moto katika jiji hilo
baada ya ule wa ‘london fire’ au ‘Wood Fire’ kama ulivyotambulika sana.
Hadi sasa imethibitishwa na Polisi nchini humo, jumla ya watu 12 wameshafariki
huku juhudi za kutafuta maiti zaidi zikiendelea, ambapo watu 79 wamelazwa
hospitalini kwa matibabu Zaidi huku 18 wakiwa mahututi.
Wakisimulia mkasa mzima, baadhi ya wapangaji pamekuwa na
maonyo mbali mbali kutoka kwa watu wasiofahamika, likiwemo onyo la hivi
karibuni kabisa ambapo vikaratasi vingi vilitawanywa katika jengo hilo vikiwaonya
wasitoke nje ya vyumba vyao endapo tukio lolote la moto litatokea ili kuwapa
nafasi wafanyakazi wa uokoji kufanya shughuli za uokoaji kwa njia rahisi Zaidi.
Wakazi hao wameonya jengo lao lenye wakazi 600 halikuwa na
vifaa vyovyote vya kuzima wala ving’ora vya kutoa ishara pindipo moto utatokea.
Kumekuwepo na hisia kadhaa pia za mawaziri husika wa mambo
ya makaazi, majengo na usalama wa ndani kudharau vilio vya wananchi wengi
wanaolalamikia wenye majengo juu ya ukosefu wa usalama wa kutosha.
Mkaguzi Mwandamizi wa Majengo Jijini London Eng. Sam Web ambae
alilikagua jengo la Grenfell baada ya ukarabati mkubwa wa hivi karibuni
uliogharimu kiasi cha Pauni Million 10, alilipa jengo hilo alama 40 tu chini ya
100 juu ya usalama na udhibiti wa moto na kukosoa mapambo mengi ya plastiki (Plastic
Cladding) yaliyozungushiwa Grenfell kuwa ni ‘kuni zilizosubiri kuwaka..
 |
| Grenfell Tower baada ya ukarabati wa Pauni 10 million |
 |
| Grenfell ya zamani iliyojengwa mwaka 1974 |
 |
| Grenfell ya leo baada ya kuteketea kwa moto wa jana ! |
 |
| Askari wa zima moto wakiendelea na kazi ya kutafuta miili |
 |
| wasaidizi wa kutoa huduma wakiendelea kuto miili baada ya kunasa ndani ya jengo la Grenfell |
No comments:
Post a Comment