Sababu sita kukamatwa mchungaji KKKT ... soma habari kamili na matukio360...#share

Na mwandishi wetu

SABABU sita zinadaiwa kuwa ndio chanzo cha mchungaji Fredy Njama wa Usharika wa Karanga, KKKT Dayosisi ya Kaskazini, Moshi aliyekamatwa na Polisi kwa kinachodaiwa kuwa ni “Uchochezi”.

Mchungaji huyo wiki mbili zilizopita alisoma ripoti katika mkutano mkuu wa mwaka wa usharika wake ambayo ndo imepelekea kukamatwa kwake.

Katika ripoti hiyo, alibainisha kuwa mapato ya usharika yanapungua kwa sababu mbalimbali. Katika utangulizi wa ripoti hiyo alitaja changamoto sita zinazoikabili nchi kwa sasa:

- Ukosefu wa ajira kwa vijana
- Hali ya uchumi inayoyumba
- Hali ya kisiasa ni ya mashaka
- Gharama kubwa za matibabu
- Sera ya elimu bure
- Wastaafu kutolipwa mafao yao.

Ripoti hiyo pia imechapwa ktk kijitabu na kiwanda cha uchapaji cha Dayosisi hiyo.

Kundi la Polisi na maafisa usalama walimchukua Ijumaa asubuhi hadi kiwandani na kumtaka akusanye vijitabu vyote hadi vilivyosambazwa na kuvikabidhi Polisi. Aidha walimtaka aandike barua kuomba radhi na kufuta ripoti hiyo.

Jioni ya juzi, Polisi walifika ofisi ya usharika na kufanya upekuzi. Walichukua laptop na flash. Kisha walimpakia mchungaji katika gari lao na kuondoka naye.