Mkurugenzi Chadema, Benson kufikishwa Mahakamani...soma habari kamili na Matukio360..#share

Na mwandishi wetu

MKURUGENZI wa Operesheni na Mafunzo wa chama cha Chadema, Kigaila Benson uenda kesho akafikishwa Mahakamani kwa madai ya kutoa lugha ya  uchochezi na  kashfa.

Kamanda wa Polisi wa Kanda hiyo, SACP Lazaro Mambosasa 

Chanzo chetu kutoka Jeshi la Polisi Kanda Maalum ya Dar es Salaam, kimesema Benson alitakiwa kufikishwa katika Mahakama ya Hakimu Mkazi Kisutu Ijumaa iliyopita lakini ilishindikana.

‘NI uhakika kesho Jumatatu, Kigaila Benson atafikishwa katika mahakama ya kisutu kujibu mashtaka yanayomkabili. Ilitakiwa afikishwe Ijumaa iliyopita lakini kutokana na sababu kadhaa ikashindikana,’ kimesema chanzo chetu hicho

Hivi karibuni Kamanda wa Polisi wa Kanda hiyo, SACP Lazaro Mambosasa alithibitisha kukamatwa kwa Mkurugenzi huyo kwa mahojiano kwa madai ya kutoa lugha ya kuikashfu serikali na watu wake.

Alisema "Tunaendelea kumshikilia na anaendelea kuhojiwa atakapokamilisha yale ambayo yanamuhusu tutaelekeza kesi mahakamani kama ushahidi utakuwepo wa kutosha,"amesema.

Mambosasa amesema endapo ushahidi utakuwa wa kuendelea na mashahidi wengine wataangalia kupata dhamana huko mbele kwani jeshi hilo halijakamilisha yale waliokusudia.