Simba Net Yadhamini Mkutano wa Vijana Kuhusu Changamoto za Teknolojia..Soma Habari Kamili na Matukio360..#share

KAMPUNI ya Simba Net inayojihusisha na Mtandao Barani Afrika, imedhamini mkutano wa vijana utakaofanyika kesho jijini Der es Salaam wenye lengo la kujadili changamoto zinazowakabili kwenye teknolojia ya Mtandao hususani katika maisha.

Pichani ni (katika) ni  Mratibu Mkuu wa Asasi ya Vijana ya Umoja Mataifa (YUNA-UNC) Mtandao wa vyuo vikuu Tanzania ,Kelvin Eward akizungumza na waandishi wa habari leo mapema kuzuungumzia mkutano wa vijana wa kujadili masuala ya mtandao ambao unatarajia utafanyika siku ya kesho (Ijumaa) katika ofisi za ukumbi wa UN umoja wa Taifa (UN house)  ulioko jijini Dar es Salaam.

Hayo yamebainishwa leo jijini hapa na Mkurugenzi Mkuu Mtendaji wa Simba Net kwa Nchi za Tanzania na Kenya Hussen Latambi akizungumza na waandishi wa habari, amesema kampuni hiyo imeamua kudhamini mkutano huo kutokana na kutambua mchango wa teknolojia ya mtandao kwa vijana.

“Vijana katika taifa lolote wanatakiwa kuandaliwa ili kuwa na uelewa katika masuala ya teknolojia ya habari hasa katika maisha ,”amesema Latambi .

Amesema kuwa katika vijana wanachangamoto za ajira pamoja na upatikanaji wa mtandao jambo analodai  ndio limewasukuma kudhamini mkutano huo.

“Kupitia mkutano huu pia tutawapa vijana uzoefu tuliokuwa nao kwenye masuala ya mtandao ili vijana waweze kukabiliana na changamoto za mtandao.” amebainisha Latambi.

Naye Mratibu Mkuu wa Asasi ya Vijana ya Umoja Mataifa (YUNA-UNC) Mtandao wa vyuo vikuu Tanzania ,Kelvin Eward amesema mkutano huo utawashirikisha vijana Zaidi ya 100 kutoka katika Vyuo Vikuu vya ndani na vya Nje.

“Mkutano huu utafanyika siku ya kesho (Ijumaa) katika ofisi za ukumbi wa UN umoja wa Taifa (UN house)  ulioko jijini Dar es Salaam.”amesema Edward.

Ameongeza kuwa anaaamini vijana watakao pata elimu hiyo ya Mtandao watakuwa mabalozi  bora katika kutumia fursa ya mitandao nchini katika kujiletea ajira pamoja na maendeleo.

Na Abraham Ntambara