UDART yasimamisha usafiri mabasi ya mwendo kasi...Soma habari kamili na Matukio360..#share

                    

KAMPUNI inayotoa huduma kwenye mradi wa mabasi yaendayo haraka UDART, imetangaza kusitisha huduma hiyo kuanzia mchana mchana wa leo.

Basi la usafiri wa haraka ya UDART

Kwa mujibu wa taarifa iliyotolewa kwa umma na Deus Bugaywa Mkuu wa Kitengo cha Mawasiliano UDART, amesema sababu za kusitisha huduma hiyo ni kutokana na kufungwa kwa barabara ya Morogoro baada ya daraja la mto Msimbazi kujaa maji.

“Tunaujulisha umma kuwa huduma hiyo imesitishwa kwa muda kuanzia saa 7:30 mchana wa Alhamis Oktoba, 26, 2017, kutokana na kufungwa kwa Barabara ya Morogoro kwa sababu ya daraja la mto Msimbazi kujaa maji,” imesema taarifa hiyo.

Aidha imeeleza kuwa huduma itarejea mara baada ya hali kutengemaa, hivyo kutokana na hali hiyo kampuni imeomba radhi abiria kwa usumbufu uliojitokeza.