Mashindano Judo kimataifa kuanza kesho Zanzibar...soma habari kamili na matukio360..#share

Mwajuma Juma, Zanzibar
MASHINDANO ya 15 ya Kitaifa ya Judo kwa mwaka 2017 yanatarajiwa kuanza kesho Desemba 16, 2017, visiwani Zanzibar kwa
kushirikisha vilabu nane kutoka Zanzibar na Tanzania Bara.

Washiriki wa mashindano ya Judo 

Mashindano hayo yenye lengo la kuchaguwa wachezaji watakaounda timu ya
Taifa ya mchezo huo ya Judo yatachezwa kwenye uwanja wa Judo Amani
ambapo mgeni rasmi anatarajiwa kuwa Mkurugenzi wa Idara ya Michezo
kutoka Wizara ya Elimu na Mafunzo ya Amali Zanzibar Hassan Tawakal
Khairalwa.

Kwa mujibu wa taarifa ya chama hicho iliyosainiwa na Rais wa Heshima
Shimaoka Tsuyoshi Shimaoka  inasema kuwa juma ya wanamichezo wapatao
69 watashiriki kutoka vilabu hivyo nane ambapo 30 ni kutoka Visiwani
na 39 kutoka Tanzania Bara.

Taarifa hiyo imevitaja vilabu kutoka Zanzibar ambao ndio wenyeji wa
mashindano hayo ni  Zanzibar Budokan,  Polisi na Magereza na kwa Pemba
ni Pemba Budokan wakati vilabu vya Tanzania Bara ni Kisutu,  Polisi ya
Chagonbe,  Magereza na  Polisi. ya Moshi.

Shimaoka kupitia taarifa yake hiyo alisema kuwa wanatarajia kuwa
mashindano hayo yatakuwa na kiwango kikubwa cha ushindani  kupitia
uzito tofauti ili kuweza kuwa na timu nzuri ya Taifa ya Tanzania.

“kiwango cha uzito michuano ya kitaifa ya Judo nchini Tanzania
Ni moja ya ushindani wa kukidhi kwa kuchagua timu ya Taifa 2018,”inasema.


Aidha inasema kuwa uzito utakaotumika katika michuano hiyo kwa Wanaume
ni 60kg, 66kg, Men73kg Men81kg MenOver81kg ambapo kwa wanawake
itategemea idadi ya washiriki na uzito.

Alisema kuwa Chama cha Judo Chama cha Zanzibar hujaribu kuandaa tuzo
kubwa kila mwaka, kwa msukumo na kiwango cha Wachezaji wa Judo nchini
humo, ambapo kwa wakati huu ZJA iliandaa tuzo ya washindi wa kila
makundi na zawadi kwa washiriki wote.