Siha tayari kwa uchaguzi....soma habari kamili na matukio360...#share

​

Na mwandishi wetu  Siha-Kilimanjaro

ZIKIWA zimebakia siku mbili kabla ya kufanyika uchaguzi mdogo wa marudio wa majimbo  mawili na kata nane, maandalizi katika jimbo la Siha na udiwani katika kata tatu za jimbo hilo mkoani Kilimanjaro yamekamilika.

Msimamizi wa uchaguzi jimbo la Siha, Valerian Juwal

Msimamizi wa uchaguzi  jimbo hilo, Valerian Juwal amesema vifaa vyote kutoka Nec kwa ajili ya uchaguzi  vimepokelewa na mafunzo kwa watendaji wa uchaguzi yanaendelea.

Akizungumzia kuhusu kampeni zinazoendelea kwa Vyama vinavyoshiriki uchaguzi,  Juwak amesema kumekuwepo na vitendo vinavyokiuka maadili ya uchaguzi ingawa kamati ya maadili imekuwa ikichukua hatua kwa mujibu wa taratibu.

Ametaja baadhi ya vitendo vinavyoashiria uvunjifu wa amani ambavyo vimewasilishwa katika Kamati ya Maadili kuwa ni pamoja na baadhi ya wanachama wa Vyama vya siasa kufanya Maandamano baada ya mikutano, baadhi ya Viongozi na Wanachama wa Vyama hivyo kutoa kauli za vitisho na lugha za maudhi dhidi ya Vyama vingine.

Msimammizi huyo wa Uchaguzi ambaye amewataka wakazi wa Jimbo la Uchaguzi la Siha kujitokeza siku ya Uchaguzi ili kutumia haki yao ya kidemokrasia ya kuchagua viongozi wao na kutahadharisha watu au kikundi chochote cha watu watakaojaribu kuvuruga Uchaguzi huo.

Jimbo la SIHA mbali ya kufanya Uchaguzi wa Mbunge lakini pia linafanya Uchaguzi wa Madiwani katika kata tatu za Donyomuruwaki, Gararagua na Kashashi, Uchaguzi unaotarajiwa kufanyika siku ya Jumamosi Februari 17 Mwaka huu sambamba na Jimbo la Kinondoni Mkoani Dar es salaam na Kata nyingine 5.