Majaji kutoa uamuzi dhidi ya Rugemarila....soma habari kamili na matukio360...#share

Na mwandishi wetu, Dar es salaam

JOPO la majaji linaloongozwa na mwenyekiti, Bernad Luanda, Batueli Mimilla na Gerald Ndika  litatoa uamuzi dhidi ya pingamizi la awali lililowasilishwa na jamhuri katika Mahakama ya Rufaa kupinga  maombi yaliyowasilishwa na James Rugemarila kukataliwa kupewa dhamana mahakama kuu

Jopo hilo limesema litatoa tarehe rasmi itakayopangwa kutoa uamuzi na pande zote mbili zitajulishwa.

Herbinder Sethi mbele na James Rugemarila nyuma wakitoka katika mahakama ya rufani

Katika maombi hàyo, upande wa jamhuri unawakilishwa na Zainabu Mango,Peter Maugo na Tumain Kweka ambapo Rugemarila alijiwakilisha mwenyewe.

Katika maombi hayo Rugemarila anaiomba mahakama ya rufaa imruhusu kufanya mabadiliko ya taarifa ya kusudio la kukata rufaa.

Pia anaomba kumuunganisha mshtakiwa mwenzake katika kesi ya Economic, Harbinder Seth kama mtu muhimu katika maombi hayo na kwamba anaomba wapatiwe dhamana wakati rufaa yao inaendelea kusikilizwa. 

Upande wa jamhuri uliwasilisha pingamizi la awali na kupinga maombi hayo kwa madai yameletwa chini ya kifungu kisicho sahihi kwani hakielekezi maombi hayo ni ya jinai au madai na kuiomba mahakama iyatupilie mbali, baada ya kusikiliza pingamizi hilo mahakama imesema itawataarifu wahusika tarehe ya kutolewa kwa uamuzi huo.

Baada ya kusema hayo Rugemarila aliiomba mahakama itupilie mbali pingamizi la jamuhuri kwasababu pingamizi hilo limeletwa kwa kanuni isiyo sahihi.

Alidai pingamizi hilo halina ufafanuzi kuhusu sababu za pingamizi na kuiomba mahakama itupilie mbali pingamizi hilo na ataeleza kwanini amemuunganisha Seth kama mtu muhimu.   

Washtakiwa wote kwa pamoja wanakabiliwa na mashtaka 12 ya uhujumu uchumi, utakatisha fedha na kuisababisha Serikali hasara ya Dola za kimarekani 22, 198,544.60 na Sh, bilion 309