Majaji watatu kusikiliza kesi ACT Wazalendo dhidhi ya Jeshi la Polisi .... soma habari kamili na matukio360...#share

Na mwandishi wetu, Dar es salaam

MAHAKAMA kuu ya Dar es salaam Aprili 5, 2018 itaanza kusikiliza kesi ya madai ya chama cha ACT Wazalendo dhidi ya jeshi la polisi

Kesi hiyo itasikilizwa chini ya Majaji watatu, Jaji Ferdinand Wambari, Jaji Sameja na Jaji Rose Teemba.

Afisa Habari wa ACT Wazalendo, Abdallah Khamisi ameiambia matukio360 kuwa " Jana Machi 23, 2018 Mahakama imeipangia tarehe kesi ya ACT Wazalendo dhidi ya Jeshi la Polisi itasikilizwa kwa mara ya kwanza, Aprili 5, 2018 chini ya Majaji watatu, Jaji Ferdinand Wambari, Jaji Sameja na Jaji Rose Teemba."

Ameongeza "Machi 18 tulizungumza na umma juu ya hali mbaya ya nchi Kiuchumi, na tukaeleza hatua ambazo kama chama tutachukua katika kutatua masuala kadhaa ya kinchi.

"Kwenye eneo la DEMOKRASIA tulieleza kuwa tumefungua Kesi ya Madai Na. 8/2018 Mahakama Kuu hapa Dar Es Salaam, kulishtaki Jeshi la Polisi, kutokana na Jeshi hilo kuingilia, visivyo halali shughuli za ziara yetu ya kuhamasisha maendeleo katika Kata tunazoziongoza."