Ninje atangazwa kocha Ngorongoro Heroes...soma habari kamili na matukio360...#share

Na Mwandishi Wetu, Dar es Salaam

SHIRIKISHO la Mpira wa Miguu nchini (TFF), limemtangaza kwa muda, Ammy Ninje, kuwa Kocha wa muda wa Timu ya taifa ya Vijana wenye chini ya miaka 20, Ngorongoro Heroes.

Ninje ametangazwa leo na TFF ilikuiandaa timu hiyo kwa ajili ya  michezo miwili ya kirafiki dhidi ya Morocco na Msumbiji ikiwa ni kabla ya kucheza na Jamhuri ya Kidemokrasia ya Congo kuelekea AFCON U20.

Ngorogoro Heroes itacheza na timu ya Taifa ya Vijana ya Morocco Jumamosi ya Machi 17, 2018 na dhidi ya timu ya Taifa ya Vijana Msumbiji, Jumatano Machi 21, 2018 ambapo michezo hiyo itachezwa katika dimba la uwanja wa Taifa jijini Dar es salaam.

Mchezo wa kuwania kufuzu kwa fainali za AFCON U20, Ngorogoro Heroes itacheza dhidi ya DR Congo Machi 31 katika uwanja wa Taifa, na mchezo wa marudiano utachezwa baada ya wiki mbili jijini Kinshansha Congo.