Yanga yaichapa Kagera Sugar 3-0...soma habari kamili na matukio360...#share

Na Mwandishi Wetu, Dar es Salaam

TIMU ya Yanga imeendelea kuisogelea timu ya Simba kwenye msimamo wa ligi katika mbio za kuwania ubingwa wa ligi kuu ya Vodacom baada ya kuibuka na ushindia wa goli 3-0 dhidi ya Kagera Sugar.

Mchezo huo uliochezwa kwenye dimba la Taifa jijini Dar es Salaa, umeshuhudiwa magoli hayo yote yakifungwa  kipindi cha pili ambapo goli la kwanza limefungwa  na Ibrahim Ajibu kwa mkwaju wa penati huku la pili likifungwa na Yusuph Mhilu na latatu Kagera Sugar wakijifunga.

Ushindi huo unaifanya Yanga kuwa nyuma ya mtani wake wa jadi Simba kwa  pointi tatu kwani Simba iko kileleni mwa msimamo kwa pointi 46 huku Yanga ikiwa na pointi 43 huku timu zote zikiwa zimecheza mechi 20.