Mazishi ya 'Mbunifu Nembo ya Taifa,.. Wanafamilia waishukuru Serikali kuwakutanisha!!!

Leo Jumapili ya tarehe 04/06/2017 itabakia kuwa siku ya kukumbukwa katika kumbukumbu muhimu ambapo 
mzee Francis Kinyasu anayeaminika kuwa mbunifu wa nembo ya Taifa amehifadhiwa katika 'nyumba yake Milele..! katika mazishi yaliyofanyika kijiji cha Nange, Wilaya ya Misungwi Mkoani Mwanza na kuhudhuriwa na mkusanyiko mkumbwa wa ndugu, jamaa, na Viongozi mbali mbali wa Serikali wakiongozwa na Mkuu wa Mkoa wa Mwanza Mhe. John Mongela.

Akizungumza wakati wa mazishi hayo mbele ya Bwana Mongella, dada wa marehemu, Mwakami Nhinyale ameishukuru serikali kwa kufanikisha kuurejesha mwili wa ndugu yake aliyesema wamepotezana tangu mwaka 1976.

 Kwa mujibu wa dada huyo, licha ya kutorejea nyumbani tangu miaka hiyo ya sabini, marehemu pia hakuwa na mawasiliano na ndugu zake hadi walipopata taarifa zake za kuugua na kufariki kupitia vyombo vya habari. Alisema katika tumbo la mama yao, Ng'hayiwa Buyabila walizaliwa watoto wanne kwa baba mmoja, Nhinyale Buyabila. 

"Licha kuzaliwa na mama mmoja, marehemu alizaliwa kwa baba mwingine ndiyo maana ana ubini tofauti"‎ - 
Mcl online