Good News: Wizara ya Afya yatangaza nafasi 3152 za ajira.. #share

WIZARA ya Afya, Maendeleo ya Jamii, Jinsia, Wazee na Watoto imetangaza nafasi za ajira 3152 kwa wahitimu katika kada mbalimbali za afya nchini.

Waziri wa Afya, Maendeleo ya Jamii, Jinsia, Wazee na Watoto Ummy Mwalimu

Kwa mujibu wa taarifa iliyotolewa na mkuu wa kitengo cha mawasiliano serikalini-Afya, Nsachris Mwamaja, inaeleza kuwa ina jukumu la kuwapangia vituo vya kazi waombaji wenye sifa  kwa mujibu wa waraka  wa maendeleo ya utumishi namba moja wa mwaka 2009 kuhusu miundo ya watumishi wa kada chini ya wizara hiyo.

Miongoni mwa nafasi hizo, zipo za wauguzi wa daraja la kwanza na la pili, wapo wataalamu wa maabara, wanateknolojia na wataalamu wa lishe.

“Sifa za muombaji; awe raia wa Tanzania, awe na umri usiozidi miaka 45, asiwe mwajiriwa wa serikalini, hospitali za mashirika ya dini ambaye mshahara wake unalipwa na serikali na asiwe amewahi kufanya kazi serikalini na kuacha kazi,” ilieleza taarifa hiyo.

 Na: Mwandishi Wetu