nEWS aLERT:: Mkutano wa Baraza Kuu wa Chama cha CUF unaripotiwa kuendelea huko Zanzibar licha ya onyo la Prof. Lipumba.. #share

Mkutano Mkuu wa dharura wa Baraza Kuu la Uongozi la Chama cha Wananchi Cuf linaloegemea upande wa Katibu Mkuu wa Chama hicho, Maalim Seif Sharrif Hamad, limeanza kukutana leo Mjini Zanzibar.

Huku hayo yakifanyika, kumekuwa na hali ya wasi wasi kufuatia hatua ya Jana ya Mwenyekiti wa Chama hicho mwenye Baraka za Msajili na anaetambuliwa na RITA Profesa Ibrahim Lipumba akimuonya Maalim juu ya dhamira yake ya kuendelea na Mkutano wake bila baraka za Mwenyekiti, huku zikivuja taarifa za kutaka kuzingira Ofisi za Makao Makuu ya CUF, Vuga - Zanzibar, ili kumzuia Katibu Mkuu wa CUF na Wajumbe wake kuendesha Kikao Cha Baraza Kuu.

Kwa mujibu wa taarifa kutoka kwenye ukurasa wa kijamii, Mwenyekiti wa Baraza hilo Bw. Julius Mtatiro, njama hizo zimepangwa ikiwa ni kulinda maamuzi ya hivi karibuni ya Spika wa Bunge Mhe. Job Ndugai, ambayo Maalim ameyaita ya 'Mwendokasi' ya kuwafukuza uanachama na kuwavua Ubunge Wabunge wanane wa Kuteuliwa wa Chama hicho, sambamba na maamuzi ya NEC kutangaza Wabunge wapya kuziba nafasi zao.