gOOD nEWS: Tecno waja na mbinu mpya kuibua na kusaidia vijana wenye vipaji mtandaoni...#share

SIMU ya Tecno imezindua kampeni ya ‘Washa cheche’ itakayodumu kwa mwezi mmoja yenye lengo la kuibua vijana wenye vipaji vya Sanaa na kuwasaidia kuviendeleza ili kutimiza ndoto na maleongo yao.

Hayo yamebainishwa leo jijini Dar es Salaam na Ofisa Uhusiano wa Tecno Eric Mkomoya akizungumza na waandishi wa habari wakati wakumkabidhi toleo jipya la Simu ya Tecno ‘Tecno Spark’ mchekeshaji Raymond Msengi.

 “Nia na madhumuni ya Kampuni yetu kuinua vipaji vya vijana wa kitanzania kupitia simu hii mpya, vijanawanaotaka kufanikiwa wanapitia vikwazo vingi ila Tecno inataka kuwasaidia kupitia washa cheche,” alisema Mkomoya.

Amesema Msengi ambaye ni mchekeshaji wa mtandaoni aliomba simu kutoka Tecno Mobile kupitia video zake ili aweze kurekodi kwa ubora mzuri. Tecno Mobile walisikia kilio chake na kumpa zawadi ya simu kwa mwaka mzima kila toleo.

Msengi amewataka vijana wengine kuthubutu kushiriki katika kampeni hiyo kwani inaweza kuwa bahati yao na kupata zawadi hiyo.

“Nimefurahi kupata zawadi ya simu hii, na kikubwa ni kupata mfululizo wa matoleo yote mapya ya simu zao, nawasihi vijana wenzangu wenye vipaji wawashe cheche zao na wanaweza kupata msaada kutoka Tecno Mobile,” alisema Msengi.

Meneja wa Masoko Mtandaoni Kelvin Boniface amesema jinsi ya kushiriki katika shindano hilo ni kuweka picha au kipande cha video kwenye mitandao ya kijamii ukitumia hashtag #washacheche na kisha kutag ‘Tecno Mobile Tanzania kwenye mitandao yao ya Facebook, Twitter na Instagram.

Na Abraham Ntambara