Breaking: Mbunge Zitto Kabwe Anashikiliwa na Jeshi la Polisi....Taarifa na Matukio360..#share

KIONGOZI wa Chama cha ACT Wazalendo, na Mbunge wa Kigoma Mjini Zitto Kabwe amekamatwa na Polisi muda huu uwanj a wa ndege wa wa Julius Nyerere (JNIA),jijini Dar es salaam wakati akitoka Kigoma.

Kwamujibu wa Afisa habari wa chama hicho Abdallah Khamisi amesema Kwa sasa wanasheria wa chama wanafuatilia kujua sababu za kukamatwa kwake.

Mbunge Zitto amekamatwa kufuatia agizo la Katibu Mkuu wa Bunge Dk. Thomas Kashililah ambaye jana aliagiza Mbunge huyo asakwe popote alipo ili apelekwe kwenye Kamati ya Maadili ya Bunge.

Aidha kwa mujibu wa Dk. Kashililah ni kwamba Zitto alikwishapatiwa barua ya kutakiwa kufika mbele ya Kamati hiyo lakini hakufanya hivyo.

Itakumbukwa pia jana Mbunge wa Ubungo Sued Kubenea alikamatwa na Jeshi la Polisi na kisha leo Alfajiri akasafirishwa kenda mjini Dodoma.


Na Abraham Ntambara