Serikali yaombwa iwekeze kwenye ngoma za asili...soma habari kamili na Matukio360..#share

Na mwandishi wetu

WASANII wa ngoma za asili Mkoani Mbeya wameiomba Serikali iwawezesha na kutangaza ngoma za asili za makabila ya mikoa ya nyanda za juu kusini

 Wasanii wa ngoma ya asili ya kabila la wangoni wakitumbuiza  katika viwanja vya Ruanda Nzovwe mkoani Mbeya

Akizungumza na Matukio360 jijini Mbeya Mkurugenzi wa Kikundi cha asili cha kabila la wangoni,  Seif  Seif amesema ngoma za asili za makabili ya mikoa ya kusini hazitambuliki  vizuri katika mikoa mingine na nje ya nchi.

“Nyanda za juu kuna ngoma za asili za makabila mengi sasa Serikali kupitia kwa viongozi hususan wabunge wawekeze katika vikundi vya mila na desturi na si kuzitumia  wakati wa kampeni za uchaguzi.”

"Mfano mzuri kwa Naibu Spika Tulia Ackson aliandaa mashindano ya kushindanisha ngoma za  asili wilayani Rungwe na hiyo ni njema  kwa

wazawa na kujitengenezea upendo mkubwa kwa wanarungwe."amesema.

Seif amesema njia pekee ni kuboresha utamaduni wa mtanzania mahala popote, makabila yatambuliwe na kuheshimika  na kwamba itajenga na kuboresha zaidi uzalendo nchini.