Wataalam wa Udhibiti Ubora wa Dawa Afrika Mashariki Wakutana Jijini Dar..Soma Habari Kamili na Matukio360..#share

KATIKA  kukabiliana na bidhaa zisizo na  ubora katika jumuiya  ya Afrika mashariki wadau wa Jumuiya hiyo wamekutana  katika mkutano utakaojadili uainishaji wa kanuni za ushughulikiaji wa dawa pamoja  na vifaa tiba kwa nchi za Afrika mashariki.

Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Dkt. Mpoki Ulisubisya akizungumza alipokuwa akifungua kikao kazi cha wataalam toka Taasisi za Udhibiti wa Dawa katika nchi wanachama wa Jumuiya ya Afrika Mashariki (EAC) leo jijini Dar es Salaam.

Akizungumza na waandishi wa habari  mara baada ya kufungua mkutano huo leo jijini Dar es Salaam Katibu Mkuu wa Wizara ya Afya  Maendeleo ya Jamii Jinsia Wazee na Watoto Dk. Mpoki Ulisubisya amesema mkutano huo  una lengo la kuweka utaratibu kwa nchi za Jumuiya ya Afrika Mashariki kuwa na utaratibu wa kuleta bidhaa za afya kutoka nje nchi zenye viwango vya ubora unao fanana.

Aidha amesema  lengo la Jumuiya ni kwamba ifikapo mwishoni  mwa  mwaka huu bidhaa yoyote inayoingia  katika nchi za Jumuiya ya Afrika Mashariki  ziwe na ubora huo.

"Mkutano huu ni muedelezo wa hatua ambazo zilianzishwa 2012 ili kuhakikisha nchi zote katika ukanda huu za Jumuiya ya Afrika Mashariki zinakuwa na tarati zinazofanana kwa kuleta bidhaa za afya kutoka nje ya nchi zinazokuwa na viwango vya ubora vinavyofanana," amesema Dk. Ulisubisya.

Kwa upande wake Mkurugenzi Mkuu wa Mamlaka ya Chakula na Dawa Tanzania (TFDA) Hiiti Sillo  amesema kupitia kikao hicho cha Kamati Tendaji Kinachosimamia utekelezaji wa mfumo wa pamoja wa jumuiya ya nchi za Afrika mashariki unaosimamia masuala ya udhibiti na ubora wa usalama wa dawa na bidhaa nyingine, amebainisha kuwa kamati hiyo inapokea taarifa za kamati tendaji za wizara za afya ambayo ni pamoja na kuwa na miongozo  inayofanana ya Jumuiya hiyo.

Mkurugenzi Mkuu wa Mamlaka ya Chakula na Dawa Tanzania (TFDA) ambayepia ni Mwenyekiti wa Wakuu wa Taasisi za Udhibiti Dawa Afrika Mashariki Hiiti Sillo akielezea jambo wakati wa hafla ya ufunguzi wa kikao kazi cha wataalam toka taasisi hizo leo jijini Dar es Salaam.

Aidha Sillo amesema mifumo ya udhibiti nchini Tanzania ni mifumo inayoongoza  huku 

Baadhi ya washiriki wa kikao kazi cha wataalam toka Taasisi za Udhibiti wa Dawa katika nchi wanachama wa Jumuiya ya Afrika Mashariki (EAC) wakifuatilia hotuba ya Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Dkt. Mpoki Ulisubisya leo jijini Dar es Salaam.

Afisa Msajili wa Dawa wa Mamlaka ya Chakula na Dawa Tanzania (TFDA) Dk. Shani Maboko akichangia hoja wakati wa kikao kazi cha wataalam toka Taasisi za Udhibiti wa Dawa katika nchi wanachama wa Jumuiya ya Afrika Mashariki leo jijini Dar es Salaam.

Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Dkt. Mpoki Ulisubisya(katikati) akiwa katika picha ya pamoja na washiriki wa kikao kazi cha wataalam toka Taasisi za Udhibiti wa Dawa katika nchi wanachama wa Jumuiya ya Afrika Mashariki leo jijini Dar es Salaam.Picha na: Frank Shija – MAELEZO