Hukumu mtoto wa Chacha Wangwe leo...soma habari kamili na Matukio360..#share

Na Abdulrahim Sadiki

HUKUMU ya kesi ya kuchapisha taarifa za uongo kwenye mitandao ya kijamii inayomkabili BOB Chacha Wangwe ambaye ni  mtoto wa mwanasiasa marehemu Chacha Wangwe, itatolewa leo Novemba 15, 2017

Hukumu hiyo inatarajiwa kutolewa na katika Mahakam aya Hakimu Mkazi Kisutu na  Hakimu Mkazi Mkuu, Huruma Shaidi siku hiyo  baada ya upande wa Mashtaka kuwaita mashahidi sita kutoka ushahidi kwenye kesi hiyo na mshtakiwa huyo kutoka utetezi wake yeye mwenyewe.

Kwa mujibu wa kesi hiyo  namba 167, 2016 ambayo ilifikishwa mahakamani hapo kwa mara ya kwanza Mei 12,2016.

Bob Chacha Wangwe ambaye kitaaluma ni mwana sheria na mwanaharakati wa haki za binadamu anadaiwa kutenda kosa la kuchapisha taarifa za kupotosha katika ukurasa wake wa Facebook.

Mshtakiwa huyo anadaiwa kutenda kosa hilo Machi 15,2016 na kwamba alichapicha maneno haya; “Tanzania ni ambayo….inajaza chuki wananchi … matokeo ya kubaka Demokrasia Zanzibar ni hatari zaidi ya muungano wenyewe…. Haiwezekani nchi ya Zanzibar kuwa koloni la Tanzania bara kwa sababu za kijinga.”