ACT kutoshiri uchaguzi ubunge na udiwani wa Januari...soma habari kamili na matukio360..#share

Na Abraham Ntambara, Dar es salaam

CHAMA cha ACT Wazalendo kimetangaza kutoshiriki uchaguzi wa marudio wa ubunge  katika majimbo matatu na udiwani  katika kata  sita wa Januari 13, 2018.

Kimetoa msimamo huo leo na kwamba hatua yake hiyo ni kutokuwapo kwa mazingira sawa na huru ya kidemokrasia na uchaguzi. Majimbo hayo ni Singida Kaskazini, Songea Mjini na Longido Kaskazini

Kaimu mwenyekiti wa ACT Wazalendo Yeremia Mangaja katikati, kushoto kwake ni kiongozi  mkuu wa chama hicho, Zitto Kabwe

Akitangaza uamuzi huo leo jijini Dar es salaam kamimu mwenyekiti taifa wa ACT, Yeremia Maganja amesema uamuzi wao umezingitia mambo matano

ambayo kimsingi  yaliyojitokeza kwenye uchaguzi wa udiwani  Novemba 2017.

Sababu hizo ni:

I. CCM na Serikali yake kiliongeza matumizi ya mabavu kupitia vyombo vya dola hasa jeshi la polisi ili kuweka mazingira ya kushinda uchaguzi

II. Chama Tawala kilihakikisha kinawatumia vyema watendaji wa halmashari wanaohusika na usimamizi wa uchaguzi ambao wengi waliteuliwa kwa misingi ya ukada kwa Chama hicho ili kujihakikishia ushindi.

III. Mazingira yalipoonekana dhahiri kuwaelemea, Chama Tawala walitumia njia za kimabavu Kama vile kuvamia viongozi, kuteka viongozi, au kuwaweka mahabusu viongozi na mawakala

IV. Kila mbinu ilipoonekana kugonga mwamba, kwenye maeneo kadhaa, Chama Tawala, kwa kutumia vyombo vya dola kiliamua kujitangazia ushindi kimabavu licha ya matokeo kuonesha kuwa wameshindwa

V. Tume ya Taifa ya Uchaguzi, NEC ilionekana kutojali kabisa hitilafu zilizojitokeza na kuchukua hatua kurekebisha kabla ya kuitisha Uchaguzi Mpya.

“Ni dhahiri kwamba uwanja wa demokrasia nchini umevurugwa sana na mchakato mzima wa uchaguzi huru na wa haki kuharibiwa kabisa. Hivyo basi, Kamati Kuu ya Chama chetu imeazimia kuwa Chama chetu KISISHIRIKI kwenye uchaguzi ujao wa marudio wa tarehe 13 Januari 2018,’’ amesema Maganja.

Hata hivyo mwenyekiti huyo amesema wanatambua  kutoshiriki chaguzi tu haitoshi kwani haijibu swali la nini kinafuata baada ya kususia hivyo watafikia wadau wote wa Demokrasia nchini na kuweka mikakati ya pamoja ya hatua za ziada za kuchukua ili kuboresha mazingira ya chaguzi za haki nchini pamoja na kuweka shinikizo kubwa kwa Serikali kufanya mabadiliko muhimu ya kisheria, kiutendaji na kikatiba ili kuweka sawa uwanja wa mapambano ya Kidemokrasia.

“ ACT  itavitembela na kuanzisha mazungumzo na Vyama vyote vya upinzani ili kuona njia bora zaidi ya kimapambano ya pamoja katika kukabiliana na vitendo vya sasa vya Chama Tawala cha kuvuruga uchaguzi huru na wa haki,"

"Chama pia kitautumia muda wa sasa na mwezi Januari Kama kipindi cha kushirikiana na Vyama vya wafanyakazi na wafanyakazi wenyewe kupambana dhidi ya Muswada wa Sheria ya Pensheni ambao utawakosesha pensheni malaki ya wafanyakazi wa sekta ya umma hasa walimu kama utapitishwa kama ulivyo.

"Hatua hizi pia zitahusisha makundi ya walio kwenye sekta isiyo rasmi, kama wakulima, wavuvi, wamachinga, wajasiriamali nk, ambao sheria hii inawaacha nje kabisa.’’