Maporomoko ya ardhi yafunika kijiji kizima....soma habari kamili na matukio360..#share

Na mashirika ya kimataifa

MAPOROMOKO ya ardhi yaliyosababishwa na mvua kubwa  imeua takriban watu watano kusini mwa Chile na kuharibu nyumba kadhaa.

Maporomoko ya ardhi  nchini Chile yafunika kijiji kinzima  cha Villa Santa Lucia

Watu 15 hawajulikani waliko katika kijiji  cha Villa Santa Lucía kilicho maarufu kwa watalii. Rais Michelle Bachelet wa nchi hiyo ametangaza hali ya tahadhari eneo hilo.

Maelfu ya watu wamebaki bila umeme na kutengwa kwa kiasi kikubwa na sehemu zingine za Chile.

Sehemu ya bonde ambapo vijiji vipo kilomita 1,100 kutoka mji mkuu Santiago, lilifunikwa na matope kutoka kwa milima iliyo karibu.

Vyombo vya habari vinaripoti kuwa eneo hilo limekumbwa na mvua kubwa isiyo ya kawaida kwa muda wa saa 24 zilizopita.

Watu kadha wamesafirishwa kwa ndege na kupelekwa mji ulio karibu wa Chaitén. Makundi ya uokoaji yanatafuta manusura.