Makamu wa rais Samia Suluhu rasmi Dodoma...soma habari kamili na matukio360..#share

Na mwandishi wetu, Dodoma

MAKAMU wa rais, Samia Suluhu kesho  Desemba 15, 2017 anatarajiwa kuamia rasmi mjini Dodoma.

Makamu wa rais, Samia Suluhu

Akizunguma jana alipokuwa akifungua mradi wa nyumba za makazi za Iyumbu Dodoma, rais John Magufuli amesema  kesho Desemba 15, 2017 makamu wa rais ataamia mkoani humo.

Hiyo inamaana shughuli za kiutendaji za kila siku za ofisi za makamu wa rais zitakuwa mjini Dodoma.

‘’Desemba 15, 2017 makamu wa rais atahamia rasmi Dodoma, na mimi rais nitahamia Dodoma mwaka 2018,’’ amesema rais Magufuli

Tayari waziri mkuu, Kassim Majaliwa  ameshahamia mkoani humo na hiyo ni muendelezo wa watumishi wa serikali kuamia mkoani humo.

Tangu alipochukua madaraka ya urais, Magufuli aliahidi serikali yake kuhamia mkoani Dodoma ambako ndiko makao makuu ya nchi kutoka jijini Dar es salaam.