Mapinduzi Cup: Simba vs Azam, Yanga na Singida United...soma habari kamili na matukio360..#share

Na Mwajuma Juma, Zanzibar

KAMATI ya michuano ya kombe la mapinduzi imetangaza ratiba ya michuano hiyo, huku Azam na Simba zikiwa katika kundi moja, Yanga ikiwa na Singida United.

Kikosi cha Yanga

Michuano hiyo itakayotimua vumbi  Desemba 29, 2017, itashirikisha timu 11 huku kundi A  likiwa na timu za Azam, Simba, URA, Jamhuri na Mwenge .

Kundi B kuna timu sita ambazo ni Zimamoto, Mlandege, Taifa ya Jang’ombe, Yanga, JKU na Singida United.

Akizungumza na waandishi wa habari katibu msaidizi wa kamati hiyo, Khamis Shaali amesema  kwa mujibu wa ratiba hiyo siku ya kwanza ya michuano hiyo  mechi tatu  zitachezwa kuanzia majira ya saa 8;00 mchana.  Mchezo wa ufunguzi  ni kati ya Singida United na Mlandege.

Saa 10:00 itafuatia mechi kati ya Zimamoto na Taifa ya Jang’ombe na saa 2:00 usiku Simba atakwaana  uso kwa uso na URA.