Nne zapenya robo fainali ndondo cup...soma habari kamili na matukio360..#share

Yusta Nkwelengushe, Mbeya

Timu nne zimefanikia kufuzu hatua ya robo fainali ya michuano ya Sports Extra Ndondo Cup inayoendelea katika viwanja viwili tofauti jijini hapa.

Kikosi cha timu ya Airport

Timu zilizofuzu ni Mbeya City (U_20 ) Tukuyu Stars 'Banyambala' (Rungwe)Polisi Mbeya(Jiji)pamoja na Airport Stars( jiji).

Katika mechi ya awali Iliyochezwa uwanja wa Uyole  uliozikutanisha timu ya Mbeya City na Raphael Group, City ilifanikiwa kuibuka na ushindi wa nao 1_0 na kufikisha pointi saba kwa mechi tatu.

Mechi ya pili iliyopigwa kwenye Uwanja wa Uyole,Tukuyu Stars ilitoka sare  na kufikisha pointi saba kwenye kundi B ikifuatiwa na Polisi Mbeya yenye pointi sita .

Mpambano mwingine ulipigwa kwenye Uwanja wa Ottu ambapo Polisi Mbeya iliibuka na ushindi wa mabao 3_0 dhidi ya Mbaspo Academy ,mabao yote ya polisi yakifungwa na Joshua Bosco .

Mpambano wa pili  kwenye Uwanja wa Ottu  ulizikutanisha Airport dhidi ya Chipukizi ambapo Airport ilifuzu robo fainali kwa kuibuka na ushindi wa nao 1_0 na kufikisha pointi tano.

Mchezaji Joshua Bosco amekuwa wa kwanza kufunga mabao hayo ambapo juzi alifanikiwa kuondoka na mpira kwa kufunga' hat_trick'  kwenye mashindano hayo.

Akizungumza kupewa zawadi hiyo, Bosco alisema kujituma pamoja na ushirikiano baina ya wachezaji ndiyo silaha pekee iliyoivusha timu yao kwenye hatua hiyo ya awali.