Jaji mfawidhi Beatrice Mutungi awaonya watumishi wa mahakama...soma habari kamili na matukio360...#share

Na mwandishi wetu, Dar es salaam

JAJI Mfawidhi wa Mahakama Kuu ya Tanzania,  Beatrice Mutungi amewataka watumishi wa mahakama  kufanya kazi kwa ufanisi na kusiwepo na kero za rushwa, utoro kazini ama kutowajibika ipasavyo.

Pia amesema  hatarajii kuona wananchi wanasubiri mwezi mzima kupata nakala za hukumu kama ilivyokuwa mwanzo na upotevu wa majalada ya kesi kwa sababu mahakama nyingi nchini sasa zina  sehemu za kuhifadhi.

Jaji Beatrice Mutungi aliyesimama 

Mutungi ametoa maagizo hayo leo jijini Dar es salaam alipokuwa akizindua jengo jipya la Mahakama ya Mwanzo ya Kawe lenye ukubwa wa mita za mraba 1020 likiwa na kumbi ndogo mbili za mahakama ofisi za watumishi, mahakimu pamoja na mahabusu kwa wanaume, wanawake na watoto.

Amesema uzuri wa jengo hilo uendane na kasi ya usikilizwaji wa kesi na utoaji wa haki kwa wakati.

Naye Khamadu Kitunzi ambaye no Mhandisi ujenzi wa Mahakama ya Tanzania amesema ujenzi wa jengo hilo umeghalimu jumla ya Sh 552,952,567.00.

Amesema ujenzi wa jengo hilo ni sehemu ya utafiti wa ujenzi wa majengo ya mahakama kwa kutumia teknolojia ya gharama nafuu ya Moladi na kuwa na miundombinu imara.

Kitunzi amesema ujenzi huo ulianza Julai 2016, lakini siku halisi za ujenzi pa

hadi jengo kukamilika ukiondoa miundombinu nyingine ni siku 90.

"Kwa kuwa utafiti ulikuwa ukiendelea mara kwa mara ujenzi ulisimama kupisha uchambuzi, majadiliano na maamuzi kufanyika," amesema