Diamond atoa neno kwa wazazi....soma habari kamili na matukio360....#share

Na Abdulrahim Sadiki, Dar es salaam

MWANAMUZIKI Nassib Abdul ' Diamond Platinum' amewashauri wazazi   kuweka majivuno yao pembeni wanapokuwa na migogoro na wasimuingize mtoto.

Diamond Platinum

Ametoa ushauri huo leo jijini Dar es salaam mara baada ya kutoka mahakama ya hakimu mkazi Kisutu kitengo cha watoto ambapo jalada la kesi ya madai ya matunzo ya mtoto lililofunguliwa na Mwanamitindo Hamisa Mobeto limefungwa rasmi

Baada ya kutoka mahakamani Diamond amesema walifika mahakamani hapo kwa ajili ya kuweka kumbukumbu ili upande wa ustawi na mahakama ziwe sawa ili  kisije kikazungumzwa kitu kingine chauongo.

"Nilazima kuweka majivuno pembeni ya matatizo yenu binafsi kwa kuwa mtoto ndiye anaumia, ni lazima muangalie ni namna gani mnatengeneza mazingira mazuri ya kuweza kumlea na kumsaidia mtoto." Amesema Diamond.

 Wakili wa Mobeto, Walter Godluck amesema ustawi wa jamii unasaidia katika usuluhishi wa kesi za watoto ambazo zinahusu malezi ambapo baba na mama ukubaliana jinsi wanavyoweza kulea mtoto.

Na kwamba Leo walipeleka ripoti ya usuluhishi mahakamani ambapo kesi ya msingi ya matunzo ya mtoto ilifunguliwa.

Amesema malalamiko waliyoyaleta kuhusu malezi ya mtoto upande wa pili wameridhia na wameona kuna haja ya kuyafanyia kazi na kwamba kiasi cha fedha wamekubaliana ila wamekiweka kifamilia.

Wakili huyo amesema wazazi wamekubali kushughulikia malezi ya mtoto,Diamond yupo tayari kumlea mtoto na yupo tayari kulifanya hilo kwa kadiri inavyowezekana.

Hamisa Mobeto amesema amefurahia maamuzi hayo kwa kuwa upande zote mbili walikaa na wakakubaliana. Ameshukurukuwa kila mtu ameridhika nayo na wamekwisha

.

Mobeto alifungua kesi hiyo mahakamani hapo, pamoja na mambo mengine alikuwa anaomba matunzo ya mtoto waliozaa na msanii Diamond.

Mobeto  alikuwa anaiomba mahakama imwamuru Diamond kutoa matunzo ya mtoto ya kila mwezi na alifungua kesi hiyo kupitia mawakili wake Abdullah Lyana na Walter Godluck kutoka kampuni ya uwakili ya Century Attorneys.

Kupitia hati hiyo ya madai, Mobeto  anaomba Diamond amuombe msamaha kwa kumsababishia madhara yaliyoishtua familia yake.

 Diamond aliwasilisha hati ya majibu kinzani akipinga maombi hayo ya Mobeto  akidai  gharama anazodai kulipwa kwa mwezi ya Sh 5 milioni  kwa ajili ya matunzo ya mtoto ni kubwa hawezi kuzimudu.