Kesi malkia meno ya tembo kuunguruma mfululizo...soma habari kamili na matukio360...#share

Na mwandishi wetu, Dar es salaam
Kesi inayomkabili  raia wa China 'Malkia wa Pembe za Ndovu', Yang Feng Glan na wenzake wawili itaendekea kusikilizwa kwa ushahidi wa mashahidi wa upande wa mashtaka Februari 26 na 27,2018.

Raia wa China 'Malkia wa Pembe za Ndovu', Yang Feng Glan akiwa katika mahakama ya hakimu mkazi Kisutu

Washtakiwa wengine wanaokabiliwa na kesi hiyo ni Salvius Matembo na Philemon Manase.

Kesi hiyo inasikilizwa na Hakimu Mkazi Mkuu, Huruma Shaidi, upande wa mashtaka unawakilishwa na Wakili wa Serikali, Wankyo Simon na upande wa utetezi, Nehemiah Nkoko.

Washtakiwa  hao kwa pamoja, wanadaiwa kuwa  kati ya Januari Mosi, 2000 na Mei 22,2014  walijihusisha na biashara  ya nyara za serikali.

Katika kipindi hicho washtakiwa hao wanadaiwa kufanya biashara ya vipande 706 vya meno ya Tembo vyenye uzito wa kilogramu 1889 zenye thamani ya Sh 13 bilioni  bila ya kuwa na leseni iliyotolewa na Mkurugenzi wa Wanyama Pori.

Wanadaiwa kuwa kati ya Januari Mosi, 2000 na Mei 22,2014  kwa makusudi raia wa China, China, Yang Feng Glan  aliongoza na kufadhiri vitendo vya kijinai kwa kukusanya na kusafirisha vipande hivyo 706 vya Meno ya Tembo bila ya kuwa na kibali chochote kile kutoka kwa Mkurugenzi wa Wanyama Pori.

Kwa upande wa washtakiwa Salvius na Manase wanadaiwa kuongoza makosa ya uhujumu uchumi kwa kusaidia biashara ya nyara za serikali kwa kukusanya, Kusafirisha na Kuuza Meno ya Tembo kwa nia ya kujipatia faida.

Ilidai kuwa Mei 21, 2014 katika eneo la Sinza Palestina wilaya ya Kinondoni mshtakiwa Manase alitoroka chini ya ulinzi halali wa askari wa Jeshi la Polisi D 7847 Koplo Beatus ambaye alikuwa akimshikilia kwa makosa ya kujihusisha na biashara za nyara za serikali.