Askari JWTZ asomewa mashtaka ya mauaji akiwa kitandani....soma habari kamili na matukio360...#share

Na mwandishi wetu Dar es Salaam.

MWANAJESHI MT 109795 Private Ramadhan Mlaku (28) amefikishwa katika Mahakama ya Hakimu Mkazi Kisutu akikabiliwa na shtaka la mauaji ya askari mwenzie, MT 79512 SGT Saimon Munyama.

Mshtakiwa hiyo amefikishwa mahakamani leo  na gari la kubebea wagonjwa la JWTZ.

Nyakati za saa sita mchana alishushwa ndani ya gari hilo akiwa katika kitanda cha wagongwa na kupelekwa katika chumba cha mawakili wa Serikali na kusomewa

shtaka  linalomkabili.

Akisomewa shtaka na  Wakili wa Serikali,Mosii Kaima mbele ya Hakimu Mkazi Mkuu,Thomas Simba alidaiwa kufanya kosa hilo Oktoba 30,2017.

Imedaiwa  mshtakiwa huyoo ambaye ni Mwanajeshi wa kambi ya Jeshi la Makongo siku hiyo ya Oktoba ,30,2017 akiwa Makao Mkuu ya JWTZ Upanga Ilala Dar es Salaam alimuua askari mwenzie MT 79512 SGT Munyama.

Baada ya kusomewa shtaka hilo, mshtakiwa hiyo hakuruhusiwa kuongea chochote kwa sababu Mahakama ya Hakimu Mkazi Kisutu haina mamlaka ya kuisikiliza kesi hiyo.

Pia kosa hilo halina dhamana kwa mujibu wa sheria.

Upande wa mashtaka umedai  upelelezi bado haujakamilika na hakimu Simba aliutaka upande wa mashtaka kujitahidi kukamilisha upelelezi wa kesi hiyo mapema.

Kesi imeahirishwa hadi Machi 28,2018 kwa ajili ya kutajwa ili kuangalia kama upelelezi itakuwa umekamilika ama la.

Baada ya kusomewa shtaka hilo mshtakiwa hiyo alipandishwa tena katika gari la Jeshi la Wagonjwa na  kupelekwa mahabusu.