Mwigulu akabidhi mabati 210, mifuko ya saruji 100.... soma habari kamili na matukio360....#share

Na Mwandishi Wetu, Singida 

MBUNGE wa Jimbo la Iramba Magharibi na Waziri wa Mambo ya Ndani ya nchi  Dk.  Mwigulu Nchemba ametoa mabati 210,  mifuko ya saruji 100 na sh milioni 1.5 kwa ujenzi wa Zahanati na mabweni ya wanafunzi Kata ya Mtoa, Iramba mkoani Singida

Waziri Mwigulu akikabidhi mabati kumalizia ujenzi wa zahanati

Lengo  ni kusaidia na kupunguza adha wanayopata wananchi ambao inawalazimu kuvuka mto mkubwa kufata huduma ya afya umbali wa zaidi ya kilomita kumi.

Waziri Nchemba amesema jengo la zahanati limekaa muda mrefu bila kumaliziwa hivyo shilingi milioni 1.5 ni kwa ajili ya ununuzi wa mbao ili ujenzi uanze na ukamilike  ndani ya mwaka huu na kianze kutoa huduma.

Dk.Nchemba amesema  hayo akiwa ziarani katika Kata ya Mtoa, Kijiji cha Masiga kitongoji cha Kisaki Jimbo la Iramba Magharibi Mkoa wa Singida kutekeleza ahadi alizozitoa wakati anagombea mwaka 2015.

Amesena nyakati za masika  baadhi ya maeneo ni ngumu magari kufika kutokana na mito kujaa maji na barabara kuwa na utelezi na kufanya gari au watu kushindwa kupita kufuata huduma.

"Ninekerwa na jengo kukaa muda mrefu hivi,hatulali hata sekunde tunaendelea kutafuta mbao na bati nyingi zikafunike baadhi ya vituo kwa hiyo ninapoona jengo lipo hivi wala mtu asidhanie nafurahie jengo libaki vile,"amesema Dk.  Mwigulu

Wananchi wa Kata hiyo wamemshukuru mbunge huyo kwa utekelezaji wa ahadi.