Roli la mafuta lateketea, wawili wafariki.... soma habari kamili na matukio360...#share

Na mwandishi wetu

WATU wawili wamefariki dunia baada ya roli la mafuta walimokuwamo  kuanguka na kuteketea kwa moto.

Baada ya tukio hilo Waziri wa Mambo ya Ndani ya Nchi Dk Mwigulu Nchemba alifika eneo la tukio ilipotokea ajali hiyo  katika mlima sekenke njia kuu ya magari kutoka Singida kwenda Tabora.

Mabaki ya roli la mafuta lililoteketea kwa moto leo

Waziri Mwigulu amefika kuangalia jinsi ajali ya gari hilo la mafuta lilivyoanguka na kuwaka moto na kusababisha vifo hivyo ambao miili imeungua  kiasi cha kutotambuliwa hadi sasa huku jitihada zinaendelea kuwatambua.

Kwa mujibu wa shuhuda Edward Lameck, 16,aliyekuwa anapita eneo hilo amesema gari hilo lilifeli break na matairi ya mbele kuanza kuwaka moto hali iliyosababisha gari hilo kutumbukia bondeni na kuwaka moto.

Waziri Mwingulu akiangalia jinsi ajali ulivyoteketeza roli la mafuta

Inaelezwa kuwa imeshindikana watu hao kuokolewa  kutokana na moto mkubwa uliokuwa unawaka. Juhudi zinaendelea kutambua mmiliki wa gari ili kufahamu waliokuwa kwenye gari hilo.

Edward Lameck aliyejishika kichwani akitoa maelezo kwa Waziri Mwingulu