Chama cha wafanyakazi serikali za mitaa cha ipongeza serikali kuwarudisha watumishi la 7 kazini...soma habari kamili na matukio360...#share

Na Abraham Ntambara, Dar es Salaam

CHAMA cha Wafanyakazi wa Serikali za Mitaa nchini (TALGWU) kimeipongeza serikali kwa kuwarudisha kazini watumishi wa umma darasa la saba ambao waliokuwa wameondolewa.

Katibu Mkuu- TALGWU Rashid Mtima, akizungumza na waandishi wa habari jijini Dar es Salaam.

Hatua hiyo imekuja siku moja baada ya serikali kpitia Waziri wa Nchi Ofisi ya Rais, Menejimenti ya Utumishi wa Umma na Utawala Bora George Mkuchika kutangaza kurudishwa kwa watumishi hao na kulipwa mishahara yao ya kipindi chote ambacho walikuwa wameondolewa.

Akitoa pongezi hizo leo jijini Dar es Salaam akizungumza na waandhishi wa habari, Katibu Mkuu- TALGWU Rashid Mtima amesema kwa hatua hiyo serikali imezingatia mapendekezo ya chama chao.

“Kwa niaba ya wanachama wote wa TALGWU nchini, napenda kutoa shukrani za dhati kwa serikali ya awamu ya tano chini ya uongozi wa Mhe. Dokta  John Pombe Magufuli kwa kuzingatia mapendekezo yaliyowasilishwa na chama serikalini,” amesema Mtima.

Mtima pia ametoa shukrani kwa waziri mkuu Kassim Majaliwa, waziri wa sera, bunge, kazi, ajira, vijana na walemavu Jenista Mhagama, Waziri wa Tamisemi Seleman Jaffo, katibu mkuu wizara ya kazi Eric Shitindi, Tamisemi Mussa Lyombe pamoja na Utumishi Dr. Laurean Ndumbaro, TUCTA pamoja na wabunge waliozungumzia suala hilo bungeni katika kikao cha bunge kinachoendelea mjini Dodoma.