Halima Mdee aachiwa kwa dhamana...soma habari kamili na matukio360...#share

Na Mwandishi Wetu, Dar es Salaam

MAHAKAMA ya Hakimu Mkazi Mkazi Kisutu, imemuachia kwa dhamana Mbunge wa Kawe jijini Dar es Salaam kwa tiketi ya Chadema Halima Mdee.

Hatua hiyo imekuja leo baada ya mbunge huyo kufikishwa na kuunganishwa na viongozi wenzake  wa chadema wakiongozwa na mwenyekiti wao Freeman Mbowe ambao moja ya kesi inayowakabili ni kufanya maandamano ya siyo ya halali.

Hivyo Mdee amesomewa mashtaka mawili ya kufanya mkusanyiko usio halali na kuendelea na mkusanyiko huo, kutotii amri iliyowataka kutawanyika na kusababisha vurugu iliyosababisha kifo cha Akwilina Akwilini na askari kujeruhiwa.

Baada ya kusomewa mashitaka hayo, Mahakama imempa  dhamana kwa masharti ya kuwa na wadhamini wawili watakaosaini kwa maandishi bondi ya Sh milioni 20 na kuripoti mara moja kila wiki.

Mahakama  imesema haiwezi kumnyima mshtakiwa dhamana kwa sababu aliruka dhamana ya polisi maana  polisi ni taasisi nyingine na mahakama ni taasisi nyingine, hivyo ikampatia dhamana mshtakiwa kwa masharti tajwa hapo juu.