UVCCM Ilala wamtaka Waitara kujipanga sawa sawa 2020...soma habari kamili na matukio360...#share

Na Abraham Ntambara, Dar es Salaam

UMOJA wa Vijana wa Chama cha Mapinduzi (UVCCM) wilaya ya Ilala, umemtaka Mbunge wa Ukonga Mwita Waitara kujipanga sawa sawa kwani haitakuwa rahisi kwake kurudi Bungeni 2020.

Katibu wa umoja huo Irene Mollel akizungumza na waandishi wa habari wakati wa semina jijini Dar es Salaam.

Kauli hiyo imetolewa jana na Katibu wa umoja huo Irene Mollel akizungumza na waandishi wa habari wakati wa semina kwa viongozi wao wa ngazi ya shina, kata na wilaya ya Ilala iliyofanyika jijini Dar es Salaam.

“Kwa hiyo tunamwambia ajipange sawa sawa vijana wa CCM wako imara, chama na jumuiya zake zote tatu tuko imara, jumuiya hii kwa sasa tupo kikazi zaidi hatutaki mchezo,” amesema Mollel.

“Jimbo  la Ukonga tulilipoteza lipo upinzani, lakini kwa sasa tunauhakika upepo uliotokea 2015 hautajirudia tena tutalichukua,” amesisitiza.

AKizungumzia lengo la semina hiyo, amesema lengo ni kuwaandaa viongozi wa wao ngazi ya mashina, matawi na wilaya kujua majukumu yao ili kuhakikisha chama kinaendelea kushika dola na hiyo ni kutokana na viongozi wengi walioingia katika jumuiya kuwa wapya.

“Viongozi wengi walioingia katika jumuiya baada ya uchaguzi ni wapya, kwa hiyo bila elimu hawawezi kujua wajibu wao, hivyo tumeandaa semina hii kwa ajili ya kila mmoja kujua wajibu wake ili kuhakikisha chama kinaendelea kushika dola,” amesema Mollel.

Amesema kuwa kama wataendelea kutoa semina za jinsi hiyo CCM kitaendelea kushika dola kwa asilimia 100.

Mwenyekiti wa UVCCM wilaya ya Ilala Hamad Pazzi akizungumza na waandishi wa habari wakati wa semina jijini Dar es Salaam.

Kwa upande wake Mwenyekiti wa UVCCM wa wilaya hiyo Hamad Pazzi amesena metegemeo yao baada ya semina ni kwamba viongozi wataweza kutekeleza majukumu yao kwa mujibu wa kanuni na katiba ya CCM ili kusiwe na mwingiliano wakimamlaka katika ngazi mbalimbali.

Aidha aliwataka vijana wa chama hicho kuwa wazalendo kwa kuhakikisha wanakuwa wa mfano katika kulinda amini nchini.

Naye Mmoja wa watoa semina Said King'emg'ena ambaye ni Katibu Msaidizi Mukuu wa Idara ya Vyuo na Vyuo Vikuu wa UVCCM kutoka makao makuu ya vijana, amesema huwa ni utalatibu wa CCM baada ya kufanya uchaguzi kuandaa semina kwa ajili ya watendaji na viongozi kukijua chama chao, taratibu, misingi na maadili ya chama chao.

Amesema kuwa kumekuwa na changamoto ya kimaadili kwa baadhi ya viongozi wa chama ambapo hali hiyo ilisababisha baadhi ya watu kuamini kuwa chama hicho kimekosa viongozi waadilifu  lakini kwa sasa chama kimefanya kazi kubwa ya kurudisha nidhamu na maadili.

Matukio katika picha