News: STarTimes yapongezwa kwa kurahisisha upatikanaji wa TV ya kidigitali...#share

WAJUMBE kutoka kitengo cha Usimamizi na Udhibiti wa Mawasiliano ya Kimtandao kutoka China umeipongeza Kampuni ya Star Media Tanzania kwa kupanua wigo wa upatikanaji wa TV ya digital na kufikia uchumi wa nchi mbalimbali.

Timu ya wajumbe wa uhandisi wa masuala ya Mitandao kutoka China pamoja na viongozi wa Star Media Tanzania baada ya kufanya ziara ya kutembelea Makao Makuu ya Kampuni hiyo Mikocheni jijini Dar es Salaam Juzi.

Taarifa iliyotumwa kwa vyombo vya habari na Ofisa Uhusiano wa Star Times Josephine Stephen, ilisema Ujumbe huo ulitoa pongezi hizo juzi walipoitembelea kampuni hiyo Makao Makuu yaliyopo Mikocheni jijini Dar es Salaam ili kujionea jinsi inavyofanya kazi nchini Tanzania.

Akizungumza Mkurugenzi Mkuu wa kitengo hicho Zhen Cheng, alisema  kuwa jitihada kubwa zilizofanywa na kampuni ya Star Media Tanzania katika uhamiaji wa digital ni vizuri kuheshimiwa na kutoa fursa kwa Watanzania kuendeleza na kushiriki uzoefu wao juu ya upanuzi wa teknolojia ya digital pamoja na mipango ya baadaye.

Aidha ujumbe huo uliipongeza Star Media kwa jinsi ilivyojiimaarisha kwa kuanzisha matawi yake na kuajiri watu wengi nchini.

Cheng alieleza kuwa China ina nia ya kuendeleza ushirikiano wa kina na Tanzania katika kutoa mafunzo ya kukuza na kuendeleza wafanyakazi nchini.

“Ushirikiano kati ya     China na Tanzania umekuwa mzuri tangu miaka mingi iliyopita. China ina nia ya kuwa na ushirikiano wa kina katika mafunzo ya kukuza, na kuendeleza wafanyakazi wa Tanzania ambao watafanya ,” alisema Cheng.

Makamu wa Rais wa kampuni ya Star Media Carter Luo aliukaribisha  ujumbe huo na aliweza kueleza jinsi wanavyofanya kazi nchini na kufanikisha kubadilisha familia nyingi za Tanzania kutoka maisha ya analog hadi ya digital.

Timu ya Uwakilishi huo ilijumuisha CCTV, shirika la Xinhua na Daily Online ambapo baada ya kukamilika kwa ziara hiyo uliipongeza kampuni hiyo kwa kuwakaribisha pamoja na kuonyesha ushirikiano mzuri wa kazi kati ya wafanyakazi wa Tanzania na Kichina.

Kusudi kuu la ziara hiyo ni kuhamasisha maendeleo katika vyombo vya habari kupitia ubunifu, utafiti na maendeleo ya Sekta ya Vyombo vya Habari nchini Tanzania na China na jinsi ambavyo wanaweza kushirikiana.  

Na: Abraham Ntambara