TAKUKURU yamvaa Mbunge Nassari...soma habari kamili na Matukio360...#share

Salha Mohamed

TAASISI ya Kudhibiti na Kupambana na Rushwa(Takukuru) imemuonya Mbunge wa Arumeru Mashariki Joshua Nassari  kwamba aache kuishinikiza kufanya kazi na kwamba itamchukulia hatua za kisheria.

Mbunge wa Arumeru Mashariki, Joshua Nassari

Hatua hiyo inakuja kufuatia hivi karibuni  Joshua Nassari  kuikabidhi  TAKUKURU  ushahidi wake kwenye flash na harddisk pamoja na nyaraka kadhaa kwa ajili ya ushahidi wa madiwani wa Arusha kununuliwa na CCM.

Leo jijini Dar es Salaam Mkurugenzi mkuu wa Takukuru Valentino Mlowola amesema Nassari anapaswa kuzingatia sheria bila kuathiri taarifa zake alizotoa.

“Endapo Mbunge Nassari akiendelea na mwenendo huu hatua za kisheria zitachukuliwa dhidi yake. Pia asiingize mambo haya kisiasa.” amesema Mlowola

Mlowola amesema kwa mujibu wa sheria, inaitaka Takukuru imlinde mtoa taarifa lakini Nassari amejitangaza hadharani kupitia vyombo vya

habari.

“Mbunge Nassari anaendesha jambo hili kisiasa na si kisheria na kwa kuwa ameshaleta taarifa zake, atuache tufanye kazi yetu.” amesema