Watoto 7500 wakosa elimu...soma habari kamili na Matukio360..#share

 Na mwandishi wetu

TAKRIBANI watoto 7500 wa kati ya umri miaka mitano na 15 wa Tarafa ya Kipembawe wilayani Chunya mkoani Mbeya wanatumikishwa ikiwamo kuchunga mifugo na kulima

Mkuu wa wilaya ya Chunya, Rehema Madusa akiwa katika moja ya mikutano

Hali hiyo imepelekea kukosa fursa ya kusoma kutokana na wazazi kutoka mikoani kujikita  zaidi katika shughuli za kilimo na ufugaji   kinyume cha sheria.

Akizungumza na Matukio 360 Mkuu wa wilaya ya Chunya, Rehema Madusa amesema idadi hiyo imegundulika  Oktoba 7,2017  baada ya kufanya oparesheni ya kuwaondoa wakulima na wafugaji waliovamia maeneo ya misitu na hifadhi.Jumla ya kaya 1,500 ziliteketezwa.

Amesema kutokana na idadi hiyo serikali itawachukulia hatua za kisheria wazazi waliokataa kwa  makusudi kuwapeleka shule watoto wao

 “Idadi hii imenishtua nimewaangiza watendaji na wenyeviti wa vijiji kufanya kila

linalowezekana kuhakikisha ifikapo Januari, 2018 wanaanza masomo,’ amesema

Pamoja na mambo mengine Madusa amesema Serikali imelazimika kufanya oparesheni  hiyo  baada ya kubaini  uharibifu mkubwa wa mazingira ,ujenzi holela wa makazi hususan kukosekana kwa huduma muhimu kama  shule, zahanati,  maji safi

na salama na nishati ya umeme.

Ofisa Mtendaji wa Kijiji cha Mbuzi, Nicolaus Ndugusa, amekiri kuwepo kwa changamoto hizo na kwamba sababu ni mwamko duni wa kutotambua umuhimu wa  elimu.

Mkulima, Mathias Shuma amesema sababu ya kutowaandikisha watoto shule ni mila na desturi walizojiwekea ya kuwa mtoto akipata elimu hatosaidia  wazazi na kuhudumia mifugo.