CCM yamkabidhi kadi aliyekuwa mbunge wa Kinondoni...soma habari kamili na matukio360...#share

Na mwandishi wetu

CHAMA cha Mapinduzi(CCM) leo kinatarajia kumpokea rasmi aliyekuwa mbunge wa Kinondoni(CUF), Maulid Mtulia.

Aliyekuwa mbunge wa Kinondoni(CUF), Maulid Mtulia

Hatua hiyo inafuatia Mtulia juzi kujiuzulu nafasi yake hiyo pamoja na kujivua uanachama wa CUF.

Taarifa za ndani iliyozifikia matukio360 mapema hii leo zinadai Mtulia atakabidhiwa kadi ya CCM katika ofisi za  chama hicho zilizopo Kijitonyama kwa Alimau jijini Dar es Salaam.

" Leo(Jumatatu) majira ya mchana, CCM inamkabidhi rasmi kadi Mtulia aliyekuwa mbunge wa Kinondoni, tukio litafanyika katika ofisi ya chama Kijitonyama kwa Alimaua,’’ kilisema chanzo  chetu cha kuaminika ndani ya CCM

Chama cha CUF kimebariki uamuzi wa Mtulia na kimemtakia kila la kheli.