NEC yaituliza Ukawa....soma habari kamili na matukio360...#share

Na mwandishi wetu, Dar es Salaam

TUME ya taifa ya uchaguzi(NEC) imewataka wadau na vyama vya siasa kufuata utaratibu wa kisheria na kwamba ratiba ya uchaguzi wa marudio wa ubunge na udiwani wa Januari 13, 2018 haitobadilika.

Pia imesema hata ikitokea mgombea akawa ni mmoja, atapigiwa kura na kutangazwa kuwa mshindi.

Mkurugenzi wa uchaguzi Nec,Ramadhani Kailima

Msimamo huo umetolewa  leo jijini Dar es salaam na mkurugenzi wa uchaguzi NEC, Kailima Ramadhani alipokuwa akizungumza na matukio360.

‘’Nec inafanya shughuli zake kwa kuzingatia na kufuata sheria hivyo wadau na vyama vya siasa ni lazima navyo vifuate sheria katika kufanya maamuzi,’’ amesema Kailima

Amesema uamuzi wa vyama vinavyounda Ukawa kutaka uchaguzi uahirishwe haitowezekana na zaidi wafuate taratibu za kisheria ili kufanikisha hilo.

 Jana mwenyekiti taifa wa Chadema, Freeman Mbowe kwa niaba ya Ukawa alitaka uchaguzi uahirishwe akida mazingira hayako sawa na kwamba serikali na Nec ikikata kufanya hivyo, vyama vinavyounda umoja huo havitoshiriki uchaguzi huo wa ubunge katika jimbo la Singida Kaskazini, Songea mjini na Longido Kaskazini. Pia kata sita zinatarajiwa kufanya uchaguzi huo.