Nyumba ya rais yachomwa moto...soma habari kamili na matukio360..#share

Na mashirika ya kimataifa

MAKAZI ya rais wa Jamhuri ya Kidemokrasia ya Congo, Joseph Kabila yamechomwa na kuteketea  usiku wa kuamkia  Jumatatu  Desemba 25, 2017 na  askari mmoja amefariki.

Rais wa Jamhuri ya Kidemokrasia ya Congo, Joseph Kabila

Inasadikiwa kundi la Mai-Mai  limehusika na lilitaka kuiba mali katika nyumba hiyo iliyopo Kivu Kaskazini katika mkoa wa Bukavu.

Afisa mmoja wa jeshi amesema; "Makazi ya rais yaliyopo Musienene yalivamiwa majira ya saa tisa usiku na kuchomwa na kundi la Mai-Mai. Waliiba vitu kabla ya kuchoma nyumba na magari yaliyokuwapo.’’

Rais Kabila anaishi katika jiji la Kinshasa lakini anamakazi binafsi katika maeneo mbalimbali ya nchi hiyo ikiwamo mashamba.

Kwa sasa anakabiliwa na shinikizo la kutakiwa kuondoka madarakani kufuatia muda wake wa urais kikatiba kumalizika Desemba 2016.

Tarehe ya uchaguzi imepangwa kuwa ni Desemba 23, 2018  na kwamba uenda Kabila  anataka kugombea tena. Awali ilitangazwa kuwa ungefanyika mwaka huu(2017)