Diamond: Wananigombanisha na Amisa Mobeto...soma habari kamili na matukio360...#share

Na Abdulrahim Sadiki, Dar es salaam

MWANAMUZIKI Nasib Abdul 'Diamond Platinum' amesema  watu wenye  nia mbaya wanamgombanisha na mzazi mwenzake Amisa Mobeto kupitia mtoto wao.

Diamond akiwa na mmoja wa watoto wake

Amesema hayo leo jijini Dar es salaam katika eneo la Mahakama ya hakimu mkazi Kisutu kitengo cha watoto mara baada ya kesi yao ya usuluhishi wa malezi ya mtoto wao kusomwa.

"Kiumakini hakukuwa na vita kati yetu sisi wawili, ila kwa upande wa mwenzangu kulikuwa na watu wanaingiza chuki ilimradi kutengeneza mazingira ya kunigombanisha na kumkomoa Diamond kitu ambacho tumeona hakimsaidii mtoto," amesema

Diamond amesema atahakikisha mtoto wake anakuwa katika mazingira mazuri, asome kadri ya uwezo nitakaokuwa nao.

"Kwani maisha ni kupanda na kushuka kuna wakati unakuwa hauna unasema leo mie sina basi mambo yanakuwa Bundasiliga leo mnakula mihogo maisha ndivyo yalivyo," amesema Diamond na kuongeza

"Hivyo tumekubaliana na tumeyamaliza na tumeweka misingi mizuri ya kumlea mtoto wetu, kwani mwisho wa siku hata mahakama haiwezi kunambia nimlipe Mil.5 nitaitoa wapi, nina kazi mie, Mahakama imenipa kazi au kuna mtu amenipa kazi...? au eti mtoto umjengee nyumba, ulinipa mie nyumba-Diamond."