Polisi sita washikiliwa mauaji mwanafunzi NIT....soma habari kamili na matukio360...#share

Na mwandishi wetu, Dar es salaam

KUFUATIA tukio la  kupigwa risasi kwa mwanafunzi Akwilina Akwilini, Kamanda wa Polisi Kanda Maalumu ya Dar es Salaam, Lazaro Mambosasa amesema jeshi hilo linawashikilia askari polisi sita waliotumia silaha za moto kuwadhibiti waandamanaji katika Jimbo la Kinondoni.

Pia linawashikiria watu 40 kwa mahojiano kuhusiana na tukio hilo.

Lazaro Mambosasa

Amesema silaha za askari hao zimedhibitiwa kwa uchunguzi na kwamba hatua za kisheria zitachuliwa dhidi ya waliohusika na kifo hicho.

Kifo hicho kilifuatia baada ya kuibuka makabiliano kati ya jeshi la polisi na wafuasi wa chama cha Chadema

Walioshuhudia wanasema kuwa maafisa wa polisi walitumia vitoa machozi na risasi katika harakati za kuwatawanya mamia ya wafuasi wa chama cha Chadema waliokuwa wakiandamana hadi afisi za tume ya uchaguzi.

Baadhi ya wanachama wa chama hicho walikamatwa.Mwili wa msichana huyo ulikuwa na jeraha la risasi kichwani

Kwa mujibu wa uongozi wa chuo hicho, mwanafunzi huyo alikuwa safarini kulekea Bagamoyo kupeleka fomu za kuomba nafasi ya kufanya mafunzo kwa vitendo mjini Bagamoyo.