Waziri ateketeza eka sita za bangi ...soma habari kamili na matukio360...#share

Na Mwandishi Wetu, Arusha

WAZIRI wa mambo ya ndani nchini, Dkt Mwigulu Nchemba leo ameongoza oparesheni ya kuteketeza jumla ya ekari sita za bangi zilizokuwa zimelimwa katikati ya msitu ndani ya kijiji cha Engalaoni wilayani Arumeru mkoani Arusha.

Waziri wa mambo ya ndani nchini, Dk. Mwigulu Nchemba leo ameongoza oparesheni ya kuteketeza jumla ya ekari sita za bangi zilizokuwa zimelimwa katikati ya msitu ndani ya kijiji cha Engalaoni wilayani Arumeru mkoani Arusha.

Dk. Nchemba akishirikiana na kamanda wa jeshi la polisi mkoani Arusha,(RPC) Charles Mkumbo pamoja na vikosi vya askari wa jeshi la polisi mkoani hapa walilazimika kuacha magari yao njiani na kutembea umbali wa kilomita 5 milimani kufika katikati ya msitu huo ambapo wamiliki wa mashamba hayo walitokomea kusikojulikana.

Akizungumza na waandishi wa habari wakati wa zoezi hilo Mwigulu alisema kwamba  serikali itaendelea na oparesheni pande zote za nchi na haitasita kuwakamata wahusika wote na kutaifisha magari yatakayotumika kusafirisha bangi.

Mbali na kuwapongeza askari walioshiriki katika zoezi hilo kwa kazi nzuri wanayofanya ya kuteketeza  dawa za kulevya shambani, amewataka waongeze juhudi pia katika kupambana na madawa ya kulevya yanayotengenezwa viwandani.