FUATILIA KAULI YA #NAPE ILIYOMUIBUA #POLEPOLE; ASEMA #NAPE AMEKENGEUKA !!

Katibu wa Itikadi na Uenezi (KIU) wa CCM, Humphrey Polepole akizungumza na waandishi wa Mwananchi Communications Limited (MCL)

Dar es Salaam. Katibu wa Itikadi na uenezi wa CCM, Humphrey Polepole amekitaka chama hicho kumwajibisha Mbunge wa Mtama, Nape Nnauye kwa kauli yake kuwa alikitoa chama hicho shimoni.

Nape, ambaye alikuwa akishikilia nafasi ya Polepole kabla ya Uchaguzi Mkuu, alisema maneno hayo wakati akizungumza na waandishi wa habari Machi 23, siku moja baada ya kuachwa katika mabadiliko madogo ya Baraza la Mawaziri.

Nape ambayae miongoni mwa #MATUKIO yaliyogubika mkutano huo lilikuwa lile la kuonyeshewa bastola na mtu asiefahamika undani wake kabla ya mkutano wake huo na waandishi wa habari alikuwa Waziri wa Habari, Utamaduni, Sanaa na Michezo.

Miongoni mwa kauli zilizoibua hisia mbele ya waandishi Nape alisema: “wamesahau wakati mimi nalala porini, wenyewe walikuwa wanakunywa bia baa.. nimekuwa mzalendo kwa nchi yangu, nimekuwa muungwana kwa chama changu na ninaapa kuwa muungwana kwa nchi yangu, hilo hakuna atakayelibadilisha. Lakini mimi nimekuwa mzalendo kwa CCM ambayo nimeikuta kwenye shimo inakwenda,” 

Lakini Polepole, ambaye alitembelea ofisi za kampuni ya Mcl inayozalisha magazeti ya Mwananchi, The Citizen na Mwanaspoti, alisema kama Nape alitoa kauli hiyo, alikuwa amekengeuka.

“Amekitoa Chama cha Mapinduzi shimoni? Kwamba, wakati anakitoa chama shimoni wengine walikuwa wanafanya nini?” alihoji Polepole, - Mcl online