Everton yazidi kuchanja mbuga, Rooney afanya yake...soma habari kamili na matukio...#share

Na mashirika ya kimataifa

KLABU ya Swansea City imekubali kipigo cha magoli 3-1 kutoka kwa Everton katika mchezo uliopigwa kwenye dimba la Goodsoonpark.

Wachezaji wa Everton wakishangilia goli

Baada ya kupoteza mchezo huo  Swansea wanaendelea kuburuza mkia wakiwa na alama 12, wakiwa  wamecheza 18.

Kunako dakika ya 35 kipindi cha kwanza Swansea ndio walianza kuzifumania nyavu za Everton kwa goli Leroy Johan Fer.

Katika dakika ya 45, mshambuliaji kinda wa Everton Dominic Calvert-Lewin akasawazisha goli hilo baada ya mkwaju wa penati ya Wayne Rooney kuokolewa.

Kiungo Gylfi Sigurdsson akaongeza goli la pili katika dakika ya 64, Wayne Rooney akasawazisha makosa yake kwa kufunga goli la tatu kwa mkwaju wa penati na kufikisha jumla ya magoli 10, msimu huu.