Mkuu wa wilaya aonya wafanyabiashara....soma habari kamili na matukio360...#share

Na mwandishi wetu

MKUU wa wilaya ya Mbeya, Poul Ntinika ameonya  wafanyabishara wanaokaidia agizo la serikali  la  kuendelea kuuza pombe na vyakula kwa kujificha kufuatia kufungiwa kutokana na kuwapo  kwa ugonjwa wa kipindupindu.

Mkuu wa Wilaya ya Mbeya, Poul Ntinika (kulia) akinunua ndizi kutoka kwa mfanyabishara  ambaye akutaja jina lake katika soko la Maghorofani kata ya Uyole (kushoto) Mkuu wa Mkoa wa Mbeya ,Amos Makalla.

Ntinika amesema  walilazimika kufunga biashara kwenye  vilabu vya pombe za kienyeji na mama lishe kufuatia kuwapo kwa mgonjwa aliyekuwa na   dalili za kipindupindu.

Kata zinazokabiliwa na changamoto hiyo ni  Mbalizi road, mabatini, simike na mamlaka ya mji mdogo wa Mbalizi.

"Watu hawaelewi kuna dalili za kuwepo ugonjwa wa kipindupindu na tumebaini kuna wafanyabishara wanakaidi agizo la serikali sasa nimewaagiza watendaji ili hatua za kisheria zichukuliwe dhidi yao."amesema

Ntinika amewataka wananchi  kuzingatia kanuni za afya ili kujikinga na magonjwa  yanayoepukika na  kuboresha afya zao.

Diwani wa kata ya Mbalizi Road, Adam Hussein, (CCM) amewataka wananchi kuunga mkono jitihada za serikali kwa kuzingatia kanuni bora za afya

Mwenyekiti wa mtaa wa Mwasyoge kata ya Mbalizi road, Noah Mwakafwila amesema zoezi la kufuatilia wafanyabishara wanaouza vyakula na  pombe kwa siri litaanza.

Amesema sera ya usafi  ni kipaumbele chake na kwamba kila kaya inawajibu wa kutekeleza hilo.

Hata hivyo mfanyabishara wa vileo, Sarah Braison ameiomba serikali kuwafungulia kwa kuwa idadi kubwa wanamikopo na sasa wanakosa  fedha za  marejesho hali inayoweza kukimbia na kutelekeza familia zao.